Sail Wybodaeth Adolygiadau yng Nghymru
Dyddiad cyhoeddi: 11 Meh 2024
.jpg?sfvrsn=aa94ae81_1 "hefcw logo"){kind=logo}
Mae QAA Cymru wedi lansio galwad am ddatganiadau o ddiddordeb ar gyfer Prosiect Gwelliant Cydweithredol (PGC) newydd a ariennir gan CCAUC trwy drefniadau grant gyda QAA.
Yng Nghymru, rydym yn gweithio'n agos gyda darparwyr addysg uwch ac amryw o sefydliadau eraill megis Medr, Y Comisiwn Addysg Drydyddol ac Ymchwil, a Phrifysgolion Cymru, i gefnogi ac adolygu'r ffordd y rheolir ansawdd a safonau academaidd.
Mae ein Pwyllgor Cynghori ar Strategaeth QAA Cymru wedi ei gadeirio gan aelod o'n Bwrdd sy'n dod o'r sector prifysgolion yng Nghymru. Mae'r Pwyllgor yn rhoi cyngor strategol i ni ar ein gwaith ac yn sicrhau bod ein Bwrdd yn hollol ymwybodol o faterion penodol sy'n berthnasol i Gymru.
Aelodaeth yng Nghymru
Rydym yn gweithio gyda'n haelodau yng Nghymru mewn amrywiaeth fawr o weithgareddau sy'n benodol berthnasol i Gymru, drwy weithio gyda'n gilydd i gefnogi ein cyd-ymrwymiad i wella a chyfoethogi profiad dysgu'r myfyrwyr.
Gweithgareddau adolygu
Adolygiad Gwella Ansawdd
Adolygiad Gwella Ansawdd yw ein dull o adolygu darparwyr addysg uwch yng Nghymru. Mae hwn yn cyfuno dulliau o sicrhau ansawdd gyda gwaith i wella ansawdd ac mae'n cynnwys y myfyrwyr yn y broses. Gellir addasu'r Adolygiad i gyfateb â natur arbennig y brifysgol neu'r coleg dan sylw.
Adolygiad Ansawdd Porth
Mae'r broses Adolygiad Ansawdd Porth yn gyfle i ddarparwr addysg uwch ddangos ei fod yn cydymffurfio â'r gofynion ansawdd sylfaenol ar gyfer addysg uwch yng Nghymru.
Sail Wybodaeth Adolygiadau yng Nghymru
Mae’r sail wybodaeth hon wedi’i datblygu o ddeilliannau’r Adolygiad Gwella Ansawdd a’r Adolygiad Ansawdd Porth - Cymru rhwng 2017 a’r presennol. Mae’r sail wybodaeth yn cynnwys gwybodaeth am y dulliau adolygu gan gynnwys meysydd beirniadaeth, categoreiddio canmoliaeth, cadarnhau, meysydd ar gyfer datblygu a gwelliannau penodol, a newidiadau yn ystod cylchred. Gall defnyddwyr ddidoli’r canlyniadau fesul themâu o Gôd Ansawdd y DU yn ogystal â chategorïau ychwanegol.
Canllaw i Fyfyrwyr am Adolygiadau QAA yng Nghymru
Mae pob un o'n timau adolygu yng Nghymru'n cynnwys aelod sy'n fyfyriwr, yn rhan o'n hymdrech i gynnwys myfyrwyr yn y broses o sicrhau a gwella ansawdd eu haddysg uwch eu hunain.
Mae ein canllaw'n rhoi trosolwg o'r ffordd y mae myfyrwyr yn cael eu cynnwys yn y broses adolygu, a bydd yn helpu'r darparwyr a'u myfyrwyr i gynllunio eu gwaith o baratoi ar gyfer y broses. Dylid ei ddarllen ochr yn ochr â'r llawlyfr adolygiad perthnasol.
Canllaw i Fyfyrwyr am Adolygiadau QAA yng Nghymru
Dyddiad cyhoeddi: 27 Meh 2024
Cyfieithu'r Safonau a Chanllawiau Ewropeaidd i'r Gymraeg
Yn 2024, aethom ati i gynhyrchu’r cyfieithiad Cymraeg cyntaf o’r Safonau a Chanllawiau ar gyfer Sicrhau Ansawdd yn yr Ardal Addysg Uwch Ewropeaidd (ESG). Mae hwn bellach wedi'i gyhoeddi ar wefan y Gymdeithas Ewropeaidd er Sicrhau Ansawdd mewn Addysg Uwch (ENQA). Mae QAA Cymru’n defnyddio'r ESG fel cyfeirbwynt rheoleiddiol allweddol sydd, ochr-yn-ochr â Chôd Ansawdd y DU, yn sail i'r Adolygiad Gwella Ansawdd.
Aethom ati i gyfieithu'r ESG fel rhan o’n hamcan i hyrwyddo a chodi ymwybyddiaeth o rôl bwysig y Gymraeg mewn addysg uwch yng Nghymru, i gefnogi strategaeth Cymraeg 2050 Llywodraeth Cymru a blaenoriaeth y corff cyllido a rheoleiddio Medr o hyrwyddo addysg drydyddol trwy gyfrwng y Gymraeg.
Gweithgareddau thematig
Mae QAA yn cynhyrchu astudiaethau achos drwy ddadansoddi arferion canmoladwy sy'n dod i'r amlwg mewn Adolygiadau Gwella Ansawdd er mwyn hyrwyddo arfer da drwy'r sector cyfan.
Astudiaeth Achos – Adolygiad Gwella Ansawdd: Interniaethau Ymchwil ar y Campws – Rhaglen Cyfleoedd Ymchwil Israddedig Caerdydd
Dyddiad cyhoeddi: 08 Meh 2022
Astudiaeth Achos – Adolygiad Gwella Ansawdd: Rheoli Rhaglenni a Phortffolio ym Mhrifysgol Abertawe
Dyddiad cyhoeddi: 08 Meh 2022
Hefyd, mae Rhwydwaith Ansawdd Cymru'n cynnal cyflwyniadau'n rheolaidd i rannu arferion canmoladwy sy'n dod i'r amlwg mewn Adolygiadau Gwella Ansawdd, ac arferion da eraill o bob rhan o'r sector yng Nghymru a thu hwnt. Mae adnoddau'r Rhwydwaith ar gael ar ein gwefan neilltuedig 'Adnoddau i'n Haelodau'.
Ein hymrwymiad i'r Gymraeg
Ein hegwyddor wrth wneud ein gwaith yng Nghymru yw y byddwn yn trin y Gymraeg a'r Saesneg yn gyfartal ac yn cydymffurfio â Mesur y Gymraeg (Cymru) 2011 fel y mae'n berthnasol i ni.
Adroddiad Blynyddol ar gyfer 2023-24 ar ymgysylltiad QAA â Mesur y Gymraeg (Cymru) 2011
Dyddiad cyhoeddi: 22 Ion 2025
Hysbysiad am gydymffurfio â Safonau'r Gymraeg
Dyddiad cyhoeddi: 25 Gor 2016
Gwella profiad myfyrwyr yng Nghymru
Rydym yn gweithio gyda Medr, y Comisiwn Addysg Drydyddol ac Ymchwil (Cyngor Cyllido Addysg Uwch Cymru yn flaenorol - CCAUC) i ddarparu gweithgareddau â’r nod o wella profiad myfyrwyr yng Nghymru. Mae QAA yn derbyn arian ar gyfer y gwaith hwn trwy drefniadau grant.
Prosiect Rhaglenni Cydweithredol Cymru
Cafodd prosiect Rhaglenni Cydweithredol Cymru ei ariannu gan Gronfa Buddsoddi ac Adfer Addysg Uwch (Cronfa BAAU) Cyngor Cyllido Addysg Uwch Cymru (CCAUC). Arweiniwyd y prosiect gan Brifysgol Abertawe ar ran Rhwydwaith Dysgu ac Addysgu Prifysgolion Cymru. Mae'r pecyn adnoddau wedi ei gynllunio i gynorthwyo unrhyw un sydd â diddordeb mewn edrych yn fanylach ar ddarpariaeth gydweithredol, a gellir ei ddefnyddio i wella prosesau ansawdd yn y maes hwn.
Arholi ac Asesu drwy gyfrwng y Gymraeg
Rydym wedi darparu canllawiau i helpu darparwyr addysg uwch sy'n darparu a/neu'n asesu rhaglenni academaidd drwy gyfrwng y Gymraeg yng Nghymru i sicrhau bod ganddynt drefniadau ymarferol effeithiol. Mae'r canllawiau hyn yn amlinellu nifer o'r egwyddorion a'r arferion allweddol sy'n berthnasol.
Canllawiau i Ddarparwyr Addysg Uwch ar Arfer Effeithiol mewn Arholi ac Asesu drwy gyfrwng y Gymraeg yng Nghymru
Dyddiad cyhoeddi: 18 Medi 2019
Cymwysterau Cymru
Mae Cymwysterau Cymru'n rheoleiddio cymwysterau nad ydynt yn raddau a'r system gymwysterau yng Nghymru. Mae QAA yn gyfrifol am y fframwaith rheoleiddio ar gyfer rheoleiddio a chydnabod cyrsiau Mynediad i AU. Mae ein Memorandwm Cyd-ddealltwriaeth yn nodi cyfrifoldebau perthnasol y ddwy ochr am ddarpariaeth y cymhwyster hwn a gynigir yng Nghymru.
Memorandwm Cyd-ddealltwriaeth rhwng yr Asiantaeth Sicrhau Ansawdd ar gyfer Addysg Uwch a Cymwysterau Cymru
Dyddiad cyhoeddi: 22 Hyd 2018