Rydym yn cynorthwyo prifysgolion a cholegau i weithio gyda myfyrwyr a dysgwyr, llywodraethau, cyllidwyr a chyrff rheoleiddio i ddarparu tystiolaeth a gwella ansawdd rhagorol a safonau uchel yr addysg a ddarperir ganddynt.

Rydym yn gweithio tuag at ddealltwriaeth well ar ran y cyhoedd - gartref ac yn rhyngwladol - o sut y dangosir ansawdd rhagorol mewn addysg uwch yn y DU, a sut mae darparwyr hunan-reolus yn sicrhau darpariaeth yr ansawdd honno ac yn mynd i›r afael â gwendidau.

Mae ein gwaith yn diogelu gwerth cymwysterau i fyfyrwyr a dysgwyr, yn ogystal â diogelu a hyrwyddo enw da addysg uwch.

Mae ein gwaith yn seiliedig ar y gred bod profiad academaidd o ansawdd uchel i ddysgwyr yn beth da ynddo’i hun, yn hybu dealltwriaeth a gwybodaeth ddynol, ac yn cynorthwyo cynnydd economaidd a  chymdeithasol ehangach.

• Mae safonau academaidd yn cael eu diogelu gan y cyfeirbwyntiau sy›n eiddo i›r sector y mae QAA yn gofalu amdanynt, gan gynnwys Côd Ansawdd y DU ar gyfer Addysg Uwch, Fframweithiau Cymwysterau a Datganiadau Meincnod Pwnc.
• Mae hyn yn hanfodol ar gyfer diogelu gwerth cymwysterau ac ar gyfer enw da rhyngwladol sector y DU. Mae ein harbenigedd yn helpu prifysgolion a cholegau i fodloni a chydbwyso gofynion rheoleiddio, gan gynnwys rhai cyrff proffesiynol, statudol a rheoleiddio (PSRBs), a hynny mor gost-effeithiol â phosibl.
• Wrth i bolisi, arfer a thechnoleg newid, rydym yn helpu prifysgolion a cholegau i ragweld ac ymateb i ddatblygiadau newydd, yn hyderus bod ein harweiniad yn ddiduedd ac yn cynrychioli arfer gorau rhyngwladol.
• Mae ein hymagwedd at wella ansawdd sy›n arwain y byd yn hwyluso meincnodi rhyngwladol a phartneriaethau rhyngwladol darparwyr, yn ogystal â ffurfio sail i ymdrechion prifysgolion a cholegau eu hunain i ddarparu addysg o'r radd flaenaf.
• Rydym yn tanategu addysg drawswladol y DU ac yn chwarae rhan amlwg wrth wella enw da sector y DU a meithrin perthnasoedd.
  

Yng Nghymru, yr Alban a Gogledd Iwerddon, rydym yn gweithio ar y cyd â’r sector i ddiwallu anghenion pob gwlad.

Yn Lloegr, mae ein rhaglen aelodaeth hynod lwyddiannus yn darparu ffynhonnell gynhwysfawr o adnoddau i arweinwyr strategol, arbenigwyr ym maes ansawdd a myfyrwyr a dysgwyr fel ei gilydd.

Ar ôl penderfynu camu i ffwrdd o rôl ar wahân yn darparu adroddiadau ar gyfer rheoleiddiwr Lloegr, byddwn yn gallu ychwanegu at yr adnoddau hyn gyda gwasanaethau newydd, yn seiliedig ar ein profiad unigryw o helpu sefydliadau i fodloni a chydbwyso gofynion rheoleiddwyr a PSRBs.

Mae hyn, ynghyd â’n harbenigedd ym maes ansawdd a safonau, yn ein rhoi mewn sefyllfa ddelfrydol i helpu prifysgolion a cholegau i lywio a bodloni’r gofynion hynny, tra’n cyflawni eu huchelgeisiau eu hunain ar gyfer gwella ansawdd – ac i ddangos tystiolaeth o hyn mewn ffyrdd arloesol sy’n mynd y tu hwnt i weithgarwch sicrwydd traddodiadol.

Ym mhob gwlad yn y DU, mae addysg uwch ac addysg bellach yn dod at ei gilydd fwyfwy i gefnogi dysgu gydol oes, ac mewn ymateb i anghenion economaidd lleol a rhanbarthol. Bydd hyn yn dod â ffocws newydd ar sgiliau, cymwysterau technegol a galwedigaethol, a gwell profiad trosglwyddo i ddysgwyr.

Mae QAA wedi sefydlu arbenigedd mewn credydau a micro-gymwysterau, ac wedi gweithio ers tro gyda cholegau addysg bellach sy›n darparu addysg uwch, ond rydym yn mynd ymhellach yn awr drwy baratoi ar gyfer tirwedd addysg newydd.

Ar draws y sector trydyddol cyfan, bydd QAA yn gwasanaethu anghenion cyrff cyllido a rheoleiddio, prifysgolion a cholegau, yn ogystal â myfyrwyr a dysgwyr, ble bynnag y mae angen arbenigedd corff ansawdd annibynnol.

Gall llywodraethau a phartneriaid rhyngwladol gael amgylchedd ansawdd y DU yn gymhleth i’w lywio, yn enwedig lle mae polisi’n amrywio. Mae enw da a safle QAA fel asiantaeth ansawdd o safon fyd-eang yn ein galluogi i ddarparu cyngor, mewnwelediad a sicrwydd ynghylch cryfderau parhaus ansawdd y ddarpariaeth addysg uwch y DU.

Rydym yn defnyddio ein harbenigedd a gydnabyddir yn fyd-eang fel sail i ffurfio a pharhad partneriaethau rhyngwladol, ac i gynorthwyo sector y DU wrth iddo groesawu mwy o fyfyrwyr rhyngwladol ac ymestyn ei gyrhaeddiad drwy addysg drawswladol. Byddwn yn parhau i ddatblygu ein harlwy yn y meysydd hyn.

Ar yr un pryd, mae proffil rhyngwladol QAA ei hun yn parhau i dyfu, ac mewn nifer cynyddol o farchnadoedd, mae galw mawr am ein Hadolygiad Ansawdd Rhyngwladol ac Achrediad Rhaglenni Rhyngwladol. Byddwn yn ehangu ein darpariaeth o’r gwasanaethau hyn mewn ffordd sy’n llywio ein gwaith yn y DU wrth i ni ddysgu o arfer gorau rhyngwladol, ac mae hynny’n ein helpu i gynnig cymorth mwy cost-effeithiol i sector y DU.