Adolygiad ar gyfer Goruchwyliaeth Addysgol (Adolygiad GorA) yw enw'r dull a ddefnyddir i adolygu a monitro darparwyr preifat sy'n cynnig cyrsiau addysg uwch yn y DU ond nad ydynt yn derbyn arian cyhoeddus yn flynyddol gan unrhyw un o'r cyrff sy'n cyllido neu'n rheoleiddio addysg uwch yn y DU.
Lansiwyd y dull Adolygiad GorA ym mis Gorffennaf 2024 i gymryd lle'r pedwar dull ar wahân a ddefnyddiwyd gynt, fel a ganlyn: Adolygiad Addysg Uwch (Darparwyr Amgen), Adolygiad Addysg Uwch (Darparwyr Tramor), Cynllun Cydnabod ar gyfer Goruchwyliaeth Addysgol, a Goruchwyliaeth Addysgol - Trefniadau Eithriadol.
Bydd pwyso Escape yn canslo ac yn cau'r ymgom hwn
Cydymffurfiad â'r ESG
Mae'r Safonau a Chanllawiau ar gyfer Sicrhau Ansawdd yn Ardal Addysg Uwch Ewrop (ESG) yn darparu'r fframwaith ar gyfer trefnau sicrhau ansawdd mewnol ac allanol yn Ardal Addysg Uwch Ewrop. Mae dulliau adolygu QAA yn cydymffurfio â'r safonau hyn, ac felly hefyd yr adroddiadau a gyhoeddir gennym. Mae rhagor o wybodaeth i'w gweld ar ein gwefan.
Canllawiau i Ddarparwyr
Mae'r canllaw hwn yn nodi manylion ynglŷn â phwy ddylai gael Adolygiad GorA ac at ba ddibenion - er enghraifft, i gael Trwydded Noddwr Myfyrwyr neu Ddynodiad Cwrs Penodol. Mae hefyd yn esbonio'r broses adolygu a'r gweithgareddau a fydd yn digwydd yn rhan ohoni. Yn hwyrach ym mis Gorffennaf 2024, byddwn yn cyhoeddi ein trefn ffioedd yn y fan yma ar gyfer gwneud Adolygiad GorA.
Adolygiad ar gyfer Goruchwyliaeth Addysgol: Canllawiau i Ddarparwyr
Dyddiad cyhoeddi: 11 Gorff 2024
Ewch i'n tudalennau gwe pwrpasol isod i gael templedi adolygu a monitro i ddarparwyr sy'n atebol i gael Adolygiad GorA, neu wybodaeth ynglŷn â sut i wneud cais am gael Adolygiad GorA.
Canlyniadau'r ymgynghoriad
Rhwng misoedd Mawrth a Mai 2024, gwnaethom ymgynghoriad i gael sylwadau am y dull newydd arfaethedig o wneud Adolygiad GorA. Mae'r ddogfen isod (sydd ar gael yn y Saesneg yn unig) yn nodi manylion ein hymatebion i ganlyniadau'r ymgynghoriad.