Mae QAA wedi diweddaru ei pholisi cwcis. Rydym yn defnyddio cwcis i roi'r profiad gorau i chi ar y wefan yma. Mae hyn yn cynnwys cwcis trydydd parti a allai dracio'r defnydd a wnewch o'r wefan yma. I gadarnhau eich bod yn caniatáu i ni ddefnyddio cwcis, ac i symud ymlaen, cliciwch ar ‘Derbyn’ os gwelwch yn dda. Cewch newid eich gosodiadau unrhyw bryd.
Mae Côd Ansawdd y DU yn gyfeirbwynt dan arweiniad y sector y gellir ei ddefnyddio mewn amrywiaeth o ffyrdd hyblyg. Mae'n galluogi darparwyr i ddeall nodweddion allweddol y ddarpariaeth sy'n hanfodol i sicrhau safonau academaidd ac i gynnig profiad dysgu o ansawdd uchel i fyfyrwyr. Mae'n cynnig fframwaith ar gyfer gwerthuso a gwella polisïau ac arferion ac mae'n alinio â chyfeirbwyntiau rhyngwladol cydnabyddedig fel y Safonau a Chanllawiau ar gyfer Sicrhau Ansawdd yn Ardal Addysg Uwch Ewrop (ESG).
Yn seiliedig ar gyd-ddealltwriaeth ar draws y DU, mae’r Côd Ansawdd yn galluogi darparwyr i weld yr hyn a ddisgwylir ganddynt a’r hyn y gallant ei ddisgwyl gan ei gilydd, waeth beth fo’r fframwaith rheoleiddio y maent yn gweithredu ynddo. Mae'n hysbysu'r cyhoedd, yn diogelu buddiannau myfyrwyr ac yn hyrwyddo enw da'r DU ledled y byd am ddarpariaeth addysg o ansawdd uchel.
Pa fersiwn o'r Côd Ansawdd ddylwn i ei defnyddio?
Mae Côd Ansawdd 2024 ar hyn o bryd yn mynd trwy gyfnod pontio o ran ei weithredu. I gael gwybodaeth am ba fersiwn i'w defnyddio ym mhob un o wledydd y DU, ac ar gyfer Adolygiad Goruchwyliaeth Addysgol, ewch i dudalen y Côd Ansawdd lle byddwch hefyd yn dod o hyd i ddolen i Gôd Ansawdd 2018 pe bai ei angen arnoch.
Datblygu Côd Ansawdd 2024
Mae Côd Ansawdd 2024 yn ei gyfanrwydd ar gael fel PDF y gellir ei lawrlwytho, ynghyd â dogfen grynodeb sy’n manylu ar y 12 Egwyddor y Cytunwyd arnynt gan y Sector. Gallwch hefyd weld yr Egwyddorion hyn ar y dudalen we hon, wedi'u trefnu yn ôl thema.
Côd Ansawdd y DU ar gyfer Addysg Uwch 2024
Dyddiad cyhoeddi: 27 Meh 2024
Mae Côd Ansawdd y DU ar gyfer Addysg Uwch (Côd Ansawdd) yn mynegi egwyddorion addysg uwch y DU ar gyfer cadarnhau safonau academaidd er mwyn sicrhau a gwella ansawdd.
Awdur:
QAA
Fformat:
PDF
Maint y ffeil:
3.10 MB
Côd Ansawdd ar gyfer Addysg Uwch y DU 2024 - Egwyddorion y Cytunwyd arnynt gan y Sector
Dyddiad cyhoeddi: 27 Meh 2024
Mae Côd Ansawdd y DU yn cynnwys 12 o Egwyddorion y Cytunwyd arnynt gan y Sector sy'n cynnig fframwaith ar gyfer dylunio, datblygu, gweithredu a gwella ansawdd y ddarpariaeth. Mae'r ddogfen hon yn dangos y 12 Egwyddor hyn.
Awdur:
QAA
Fformat:
PDF
Maint y ffeil:
0.12 MB
Mapio'r Côd Ansawdd i fframweithiau ansawdd a safonau eraill
Mewn ymateb i alw gan y sector, bydd QAA yn darparu cyfres o ddogfennau sy'n mapio'r Côd Ansawdd i'r fframweithiau canlynol:
Safonau a Chanllawiau ar gyfer Sicrhau Ansawdd yn Ardal Addysg Uwch Ewrop (ESG 2015)
Amodau B y Swyddfa Myfyrwyr (Lloegr)
Egwyddorion y Fframwaith Gwella Ansawdd Trydyddol (TQEF) (Yr Alban).
Mapio’r Safonau a Chanllawiau ar gyfer Sicrhau Ansawdd yn Ardal Addysg Uwch Ewrop (ESG) (2015) yn erbyn Cod Ansawdd Addysg Uwch y DU (2024)
Dyddiad cyhoeddi: 27 Tach 2024
Mewn ymateb i’r adborth a gafwyd gan y sector, mae QAA yn cynnig y ddogfen hon sy’n mapio’r ESG yn erbyn yr argraffiad diweddaraf (2024) o’r Cod Ansawdd.
Awdur:
QAA
Fformat:
PDF
Maint y ffeil:
0.41 MB
Sut mae'r Côd Ansawdd wedi'i strwythuro
Egwyddorion y Cytunwyd arnynt gan y Sector ac Arferion Allweddol
Cliciwch ar yr Egwyddor o’r Côd Ansawdd sydd o ddiddordeb i chi er mwyn dangos ei Arferion Allweddol. Gweler dogfen Côd Ansawdd 2024 am wybodaeth lawn.
Egwyddor 1 - Mabwysiadu ymagwedd strategol at reoli ansawdd a safonau
Mae darparwyr yn dangos bod ganddynt ymagwedd strategol at ddiogelu safonau academaidd, ynghyd â sicrhau a gwella ansawdd sydd wedi'i hymgorffori ar draws y sefydliad.
Arferion Allweddol
Cyfrifoldeb y darparydd yw safonau academaidd ac ansawdd profiad dysgu myfyrwyr. Mae cyrff dyfarnu graddau yn ymwybodol mai nhw sy'n bennaf gyfrifol am y cymwysterau a gynigir yn eu henw.
Defnyddir ymagwedd strategol ble bynnag a sut bynnag y caiff y ddarpariaeth ei chyflwyno, ac mae wedi'i gwreiddio yn niwylliant ac arferion darparwyr.
Mae'r ymagwedd strategol yn cyd-fynd â pholisïau ac arferion darparwyr ar degwch, cydraddoldeb, amrywioldeb a chynhwysiant, ynghyd â chynaladwyedd amgylcheddol, i fyfyrwyr a staff.
Mae'r dull strategol o sicrhau safonau academaidd, sicrwydd ansawdd a gwelliant yn cael ei gyhoeddi, ei gyfathrebu'n glir ac yn hygyrch i staff, myfyrwyr a rhanddeiliaid allanol. Fe'i cefnogir gan fframwaith llywodraethiant cynhwysfawr a thryloyw.
Mae'r dull strategol yn cael ei fonitro a'i werthuso'n rheolaidd.
Mae arbenigedd allanol yn elfen allweddol o'r ymagwedd strategol at reoli ansawdd a safonau.
Mae darparwyr yn cymryd camau bwriadol i gynnwys myfyrwyr fel partneriaid gweithredol wrth sicrhau a gwella ansawdd profiad dysgu myfyrwyr. Mae ymgysylltu yn digwydd yn unigol ac ar y cyd i ddylanwadu ar bob lefel o astudio a gwneud penderfyniadau.
Mae gwelliannau a nodir trwy weithgareddau ymgysylltu â myfyrwyr yn cael eu gweithredu, lle bo'n briodol, a'u cyfathrebu i staff a myfyrwyr.
Arferion Allweddol
Mae ymgysylltiad myfyrwyr trwy weithio mewn partneriaeth yn cael ei arwain yn strategol; mae’n canolbwyntio ar y myfyriwr ac wedi'i ymgorffori yn niwylliant darparwyr.
Mae gweithgareddau ymgysylltu a chynrychiolaeth myfyrwyr wedi'u diffinio'n glir; maent yn cael eu cyfathrebu ac mae yna adnoddau a chefnogaeth ar eu cyfer. Mae trefniadau tryloyw ar waith er mwyn i lais cyfunol myfyrwyr gael ei glywed ac ymateb iddo.
Mae darparwyr yn dangos ymgysylltiad effeithiol â myfyrwyr, gan sicrhau bod unrhyw grwpiau neu baneli cynrychiolaeth yn adlewyrchu amrywioldeb y corff myfyrwyr. Mae myfyrwyr yn deall y gwrandawyd ar eu llais ac maent yn ymwybodol o sut mae eu
barn wedi effeithio ar sicrwydd a gwelliant profiad myfyrwyr.
Mae cyfleoedd a phrosesau ymgysylltu â myfyrwyr yn rhoi ystyriaeth i nodweddion myfyrwyr ac yn ymatebol i amrywioldeb poblogaeth myfyrwyr pob darparydd. Maent yn cynnwys cyrff cynrychioli myfyrwyr, lle bo'n berthnasol.
Mae darparwyr a chyrff cynrychioli myfyrwyr, lle mae cyrff o'r fath yn bodoli, yn cydnabod ac yn dathlu cyfraniad myfyrwyr at wella addysgu a dysgu, yn ogystal â phrofiad ehangach y myfyriwr.
Caiff myfyrwyr eu galluogi a'u hannog i gymryd rhan weithredol mewn llywodraethiant a gwella profiad ehangach y myfyrwyr y tu hwnt i'r cwricwlwm ffurfiol.
Egwyddor 3 - Darparu adnoddau ar gyfer profiad dysgu o ansawdd uchel
Mae darparwyr yn cynllunio, yn sicrhau ac yn cynnal adnoddau sy'n ymwneud â dysgu, technoleg, cyfleusterau a staffio i alluogi cyflwyno a gwella profiad dysgu hygyrch, arloesol o ansawdd uchel i fyfyrwyr sy'n cyd-fynd â strategaeth y darparydd
a chyfansoddiad y corff myfyrwyr.
Arferion Allweddol
Mae cynlluniau strategol a gweithredol, ynghyd ag adnoddau, yn alinio â thaith y myfyriwr ac wedi'u cynllunio a'u gweithredu i gynorthwyo profiad cadarnhaol i fyfyrwyr, yn ogystal â galluogi cyflawniad myfyrwyr.
Mae darparwyr yn sicrhau bod ganddynt adnoddau pwrpasol, hygyrch a chynhwysol i gefnogi a gwella cyflwyniad eu rhaglenni (ac unedau astudio llai) ynghyd â llesiant myfyrwyr a staff. Mae'r rhain yn cynnwys staffio, adnoddau digidol a diriaethol.
Caiff adnoddau eu hadolygu a'u diweddaru yn unol â datblygiadau strategol a newidiadau yn y ddarpariaeth, yn ogystal â recriwtio staff a myfyrwyr. Mae hyn hefyd yn sicrhau perthnasedd i'r gweithle a'r ddisgyblaeth academaidd ehangach.
Dyrennir adnoddau i sicrhau bod staff yn derbyn datblygiad proffesiynol parhaus i gynorthwyo a gwella'r broses o gyflwyno profiad dysgu ac ymchwil arloesol o ansawdd uchel i fyfyrwyr.
Mae prosesau a gweithgareddau i gynorthwyo â rheoli safonau academaidd a gwella ansawdd yn cael adnoddau priodol er mwyn bodloni amcanion a gofynion strategol, gweithredol a rheoleiddiol.
Mae creu, datblygu a chynnal amgylcheddau dysgu hygyrch a chynhwysol (diriaethol a rhithwir) yn cynnig cyfle i bob myfyriwr gymryd rhan yn eu profiad dysgu a hwyluso ymdeimlad o berthyn. Mae darparwyr yn sicrhau eu bod yn ystyried cynaladwyedd amgylcheddol
wrth ddylunio a chynnal yr adnoddau a'r cyfleusterau dysgu hyn.
Mae darparwyr, mewn cydweithrediad â staff a myfyrwyr, yn monitro ac yn gwerthuso ar sail systematig effeithiolrwydd ac effaith amgylcheddau dysgu a'r adnoddau sydd eu hangen ar gyfer cyflwyno a gwella'r profiad dysgu.
Egwyddor 4 - Defnyddio data i lywio a gwerthuso ansawdd
Mae darparwyr yn casglu, dadansoddi a defnyddio data ansoddol a meintiol ar lefel darparydd, adran, rhaglen a modiwl. Mae'r dadansoddiadau hyn yn llywio'r broses o wneud penderfyniadau gyda'r nod o wella arferion a phrosesau sy'n ymwneud ag addysgu,
dysgu a phrofiad ehangach y myfyrwyr.
Arferion Allweddol
Defnyddir ymagwedd strategol gyson, gydlynol sy'n seiliedig ar dystiolaeth ar gyfer casglu, storio a rheoli data ar draws y darparydd. Mae'r darparydd yn egluro math a lefel y data a ddefnyddir (ar lefel adran, rhaglen a modiwl) a'r polisïau
a'r prosesau sy'n sail i'w ddefnydd wrth gynnal safonau academaidd a sicrhau a gwella ansawdd.
Mae staff a myfyrwyr yn ymwybodol o'r mathau o ddata a gesglir a sut y caiff ei storio a'i ddefnyddio i reoli ansawdd a safonau.
Wrth ddylunio a gweithredu trefniadau monitro a gwerthuso, mae staff a myfyrwyr yn cadw at ofynion moesegol a diogelu data sy'n ymwneud â chasglu a chyflwyno data ar gyfer setiau data cenedlaethol a dibenion rheoleiddio, yn ogystal â monitro
a gwerthuso mewnol.
Mae staff y mae'n ofynnol iddynt gasglu, trin a dadansoddi data at ddibenion adrodd, sicrhau ansawdd a gwelliant yn cael hyfforddiant sy'n eu galluogi i ymgymryd â'r gweithgareddau hyn yn effeithiol, yn foesegol ac yn ddiogel. Mae polisïau'n
ymwneud ag unrhyw ddefnydd trydydd parti o ddata, gan gynnwys systemau sy'n defnyddio Deallusrwydd Artiffisial Cynhyrchiol.
Mae darparwyr sydd mewn trefniadau partneriaeth (gan gynnwys y corff cynrychioli myfyrwyr, lle bo'n berthnasol) yn sicrhau bod cytundebau rhannu data a gofynion adrodd yn cael eu datgan yn glir, eu deall a'u hadolygu o bryd i'w gilydd.
Caiff data ei gasglu a'i ddadansoddi mewn ffyrdd sy'n galluogi darparwyr i ddeall ac ymateb i anghenion eu corff myfyrwyr, gan hyrwyddo cydraddoldeb, amrywioldeb a chynhwysiant, ynghyd â chynaliadwyedd amgylcheddol.
Egwyddor 5 - Monitro, gwerthuso a gwella'r ddarpariaeth
Mae darparwyr yn monitro ac yn adolygu eu darpariaeth yn rheolaidd i sicrhau safonau academaidd a gwella ansawdd. Cymerir camau bwriadol i ymgysylltu â myfyrwyr, staff ac arbenigwyr allanol, a’u cynnwys mewn gweithgarwch monitro a gwerthuso.
Mae canlyniadau ac effaith y gweithgareddau hyn yn cael eu hystyried ar lefel darparydd i ysgogi myfyrio a gwelliant ar draws y darparydd.
Arferion Allweddol
Mae darparwyr yn cytuno ar egwyddorion strategol ar gyfer monitro a gwerthuso i sicrhau bod prosesau’n cael eu gweithredu’n systematig, yn gyson ac yn briodol i’w cyd-destun gweithredol.
Mae'r dulliau ar gyfer monitro a gwerthuso gweithgareddau’n cael eu dogfennu i egluro eu nodau, amcanion, gweithredoedd a fwriadwyd a thargedau. Maent yn eglur ynghylch sut y cânt eu cynnal, natur y dystiolaeth (data) i'w hystyried a'r
ffurf o adrodd, ynghyd â dangosyddion llwyddiant allweddol.
Mae staff a myfyrwyr yn cymryd rhan mewn gweithgareddau monitro a gwerthuso ac yn cael hyfforddiant a chymorth priodol i ymgymryd â hwy.
Mae’r camau gweithredu a deilliannau gweithgareddau monitro a gwerthuso’n cael eu cyfleu mewn modd hygyrch i staff, myfyrwyr, y corff llywodraethu a, lle bo angen, rhanddeiliaid allanol.
Mae gwelliannau sydd wedi'u rhoi ar waith o ganlyniad i fonitro a gwerthuso, yn eu tro, yn cael eu monitro a'u gwerthuso i sicrhau bod eu heffaith yn gadarnhaol ac yn parhau i fod yn addas i'r diben.
Mae gweithgarwch monitro a gwerthuso yn hwyluso mewnwelediadau darparwyr a sut maen nhw’n hyrwyddo cydraddoldeb, amrywioldeb a chynhwysiant, yn ogystal ag addysg ar gyfer datblygiad cynaliadwy.
Caiff rhaglenni a modiwlau eu monitro a'u hadolygu'n rheolaidd gan gymheiriaid mewnol ac allanol, cyflogwyr a myfyrwyr, yn unol ag ymagwedd strategol y darparydd at ansawdd a safonau. Mae canlyniadau prosesau sy'n ofynnol gan gyrff cyllido, achredu,
proffesiynol a chymeradwyo yn bwydo i'r gwaith monitro ac adolygu.
Egwyddor 6 - Ymwneud ag adolygu ac achredu allanol
Mae darparwyr yn ymgymryd ag adolygiadau allanol i roi sicrwydd ynghylch effeithiolrwydd eu dull o reoli ansawdd a safonau. Mae adolygiadau allanol yn cynnig cipolwg ar gymaroldeb dulliau darparwyr ac yn cynhyrchu canlyniadau y gall darparwyr eu defnyddio
i wella eu polisïau a'u harferion. Gall darparwyr gomisiynu adolygiadau, gallant fod yn rhan o fframwaith ansawdd cenedlaethol neu fod yn gysylltiedig â chydnabyddiaeth broffesiynol ac yn cynnwys staff, myfyrwyr a chyfoedion yn weithredol.
Gall sefydliadau cynrychioli, asiantaethau neu gyrff proffesiynol, statudol a rheoleiddiol (PSRBs) sydd ag arbenigedd cydnabyddedig yn y sector ymgymryd â’r adolygiadau hyn, gan ddibynnu ar y ddarpariaeth sy'n cael ei hadolygu.
Arferion Allweddol
Mae adolygiad allanol, boed yn ddewisol neu'n ofynnol gan fframweithiau ansawdd cenedlaethol neu gyrff achredu, wedi'i ymgorffori yn ymagwedd strategol y darparydd ac mae'n cyd-fynd â gweithgarwch monitro a gwerthuso ansawdd a safonau mewnol.
Mae darparwyr yn defnyddio canlyniadau adolygu ac achredu allanol fel catalydd ar gyfer gwelliant parhaus a strategol ym mhrofiad dysgu myfyrwyr.
Mae darparwyr yn cydnabod ac yn cefnogi'r arbenigedd a'r adnoddau sydd eu hangen i gymryd rhan mewn adolygiad ac achrediad allanol.
Mae darparwyr sy’n ymwneud ag adolygiadau allanol yn deall cyd-destunau rheoleiddiol a deddfwriaethol cenedlaethol y DU y maent yn gweithredu ynddynt a’r gwahanol ddulliau, ffurfiau a ffocws a allai berthyn iddynt. Gall darparwyr ymgysylltu
â chydweithwyr sydd ag arbenigedd rhyngwladol, yn ogystal â’r rhai sy’n gyfarwydd â gofynion y DU.
Mae darparwyr yn deall y gofynion a'r broses ar gyfer adolygiadau allanol y gallai fod yn ofynnol gan reoleiddwyr mewn lleoliadau partneriaid cyflwyno.
Egwyddor 7 - Cynllunio, datblygu, cymeradwyo ac addasu rhaglenni
Mae darparwyr yn dylunio, datblygu, cymeradwyo ac addasu rhaglenni a modiwlau i sicrhau bod ansawdd y ddarpariaeth a safonau academaidd y dyfarniadau yn gyson â'r Fframwaith Cymwysterau perthnasol. Mae darparwyr yn sicrhau bod eu darpariaeth
a lefel eu cymwysterau yn gymaradwy â'r rhai a gynigir ledled y DU a, lle bo'n berthnasol, Y Fframwaith Cymwysterau ar gyfer Ardal Addysg Uwch Ewrop.
Arferion Allweddol
Mae pob rhaglen a modiwl yn bodloni safonau academaidd sy'n gyson â'r fframweithiau cymwysterau a chredyd cenedlaethol perthnasol. Lle bo'n berthnasol, mae'r ddarpariaeth hefyd yn bodloni gofynion y corff proffesiynol ac achredu, neu safonau
prentisiaethau.
Cynhyrchir set ddiffiniol o ddogfennau o'r prosesau dylunio, datblygu, cymeradwyo ac addasu; fe’u cedwir yn ddiogel ac maent yn gweithredu fel y brif ffynhonnell wybodaeth am bob rhaglen. Mae trefniadau tebyg ond cymesur ar waith ar gyfer modiwlau
ac unedau astudio llai.
Mae'r dyfarniad sydd i'w dderbyn a sut mae deilliannau astudio'n cael eu cofnodi a'u hardystio’n cael eu gwneud yn glir i'r holl fyfyrwyr a staff sy'n ymwneud ag addysgu, dysgu a gwerthuso'r rhaglen a'r modiwl.
Cyhoeddir polisïau a phrosesau sy'n cefnogi dylunio, datblygu, cymeradwyo ac addasu rhaglenni a modiwlau ar wefan pob darparydd ac maent ar gael yn hawdd i randdeiliaid allweddol.
Mae ymgysylltu a gwerthuso allanol yn rhan o'r broses gynllunio, datblygu, cymeradwyo ac addasu.
Mae'r prosesau dylunio, datblygu, cymeradwyo ac addasu yn cyd-fynd â pholisïau ac arferion darparwyr ar degwch, cydraddoldeb, amrywioldeb a chynhwysiant, ynghyd â chynaliadwyedd amgylcheddol.
Mae myfyrwyr yn ymwneud yn ystyrlon â dylunio, datblygu, cymeradwyo ac addasu rhaglenni a modiwlau.
Egwyddor 8 - Gweithredu partneriaethau gyda sefydliadau eraill
Mae darparwyr a'u partneriaid yn cytuno ar drefniadau cymesur ar gyfer llywodraethiant effeithiol i sicrhau'r safonau academaidd a gwella ansawdd y rhaglenni a'r modiwlau a gyflwynir mewn partneriaeth ag eraill. Mae sefydliadau sy’n ymwneud
â threfniadau partneriaeth yn cytuno ac yn cyfathrebu cyfrifoldebau penodol y naill a'r llall mewn perthynas â chyflwyno, monitro, gwerthuso, sicrhau a gwella’r profiad dysgu.
Arferion Allweddol
Lle cyflwynir darpariaeth academaidd trwy bartneriaeth, mae pob partner yn cytuno, yn deall, yn cyfathrebu ac yn cymryd cyfrifoldeb am gynnal safonau academaidd a gwella ansawdd.
Mae darparwyr yn ymwybodol y bydd gweithio mewn partneriaeth â sefydliadau eraill yn cynnwys gwahanol lefelau o risg. Cynhelir prosesau diwydrwydd dyladwy yn unol ag ymagwedd pob darparydd at leihau risg, cynnal safonau academaidd a gwella ansawdd.
Caiff cytundebau ysgrifenedig rhwng partneriaid eu llofnodi cyn dechrau rhaglen neu fodiwl ac maent yn berthnasol i gylch bywyd y bartneriaeth, gan gynnwys manylion am gau partneriaeth.
Mae darparwyr a'u partneriaid yn sicrhau cydymffurfiaeth â gofynion rheoleiddiol a deddfwriaethol y gwledydd y maent yn gweithio ynddynt ac yn cynnal ymwybyddiaeth o'r cyd-destun diwylliannol y maent yn gweithredu ynddo. Mae darparwyr yn sicrhau
bod gan fyfyrwyr wybodaeth am gyfrifoldebau pob partner a ble i fynd am gymorth trwy gydol eu hastudiaethau.
Mae darparwyr yn cadw cofnodion cywir a chyfredol o drefniadau partneriaeth sy'n destun cytundeb ffurfiol.
Mae partneriaethau'n destun craffu parhaus sy'n cynnwys monitro, gwerthuso ac adolygu cyfnodol i sicrhau ansawdd a hwyluso gwelliant.
Mae darparwyr yn gweithredu prosesau recriwtio, dethol a derbyn sy'n dryloyw, yn deg ac yn gynhwysol. Mae darparwyr yn cynnal ac yn cyhoeddi gwybodaeth gywir, berthnasol a hygyrch am eu darpariaeth, gan alluogi myfyrwyr i wneud dewisiadau gwybodus
am eu hastudiaethau a’u dyheadau ar gyfer y dyfodol.
Arferion Allweddol
Mae polisïau a gweithdrefnau ar gyfer ymgeisio, recriwtio, dethol a derbyn ar gyfer rhaglenni yn ddibynadwy, yn deg, yn dryloyw ac yn hygyrch, gan gynnwys prosesau ar gyfer cydnabod dysgu blaenorol. Mae trefniadau tebyg a chymesur ar waith ar
gyfer modiwlau ac unedau astudio eraill.
Mae darparwyr yn cynnig gwybodaeth sydd o gymorth i ddarpar fyfyrwyr, a'r rhai sy’n eu cynghori, at ddibenion recriwtio ac ehangu mynediad, wrth wneud penderfyniadau gwybodus. Mae darparwyr yn bodloni eu rhwymedigaethau cyfreithiol a rheoleiddiol
mewn perthynas â'r wybodaeth a gyflwynir amdanynt eu hunain a'u darpariaeth neu unrhyw newidiadau a wnânt i raglenni a modiwlau.
Mae staff, cynrychiolwyr myfyrwyr a phartneriaid allanol sy'n ymwneud â chynnal prosesau recriwtio, dethol, derbyn ac ehangu mynediad wedi'u hyfforddi'n briodol ac mae adnoddau digonol ar eu cyfer.
Mae pob tîm sy'n ymwneud â'r prosesau ymgeisio, dethol a derbyn yn sicrhau bod gwybodaeth am daith yr ymgeisydd yn gyson ac yn glir. Mae elfennau penodol o'r broses ddethol wedi'u diffinio'n glir, a chaiff unrhyw newidiadau i raglenni
neu fodiwlau a all effeithio ar wneud penderfyniadau eu cyfathrebu'n gyflym ac yn gyson er mwyn galluogi unigolion i wneud dewis gwybodus.
Egwyddor 10 - Cynorthwyo myfyrwyr i gyflawni eu potensial
Mae darparwyr yn hwyluso fframwaith cymorth ar gyfer myfyrwyr sy'n eu galluogi i gael profiad dysgu o ansawdd uchel a chyflawni eu potensial wrth iddynt symud ymlaen yn eu hastudiaethau. Mae’r strwythur cymorth yn cynnal y daith ddysgu academaidd,
bersonol a phroffesiynol, gan alluogi myfyrwyr i gydnabod a chyfleu eu cynnydd a’u cyflawniadau.
Arferion Allweddol
Cynigir gwybodaeth hygyrch, berthnasol, cywir ac amserol i fyfyrwyr a’r staff sy’n eu cynorthwyo ar hyd y daith ddysgu am y darparydd, y rhaglen astudio, cyfleoedd ehangach i ddatblygu ac argaeledd gwasanaethau cymorth.
Mae pob myfyriwr yn cael cefnogaeth briodol ar adegau pontio allweddol ar hyd eu taith, gyda'u hanghenion a'u gofynion penodol yn cael eu bodloni a'u llwybrau i ddysgu yn cael eu cydnabod.
Mae myfyrwyr a staff yn ymwybodol o'r gwasanaethau a'r gweithgareddau academaidd, proffesiynol a bugeiliol parhaus sydd ar gael, ac anogir myfyrwyr i fanteisio ar y cymorth a’r cyfleoedd hyn ar hyd eu taith ddysgu.
Mae staff yn meddu ar y cymwysterau priodol a chânt yr hyfforddiant a’r gefnogaeth angenrheidiol i gyflwyno dysgu a chymorth o ansawdd uchel i bob myfyriwr, yn enwedig y rhai ag anghenion a gofynion penodol.
Mae myfyrwyr a staff yn cydnabod bod gweithgareddau a gynigir y tu allan i'r cwricwlwm ffurfiol yn fuddiol o ran hybu ymdeimlad myfyrwyr o berthyn, yn ogystal â darparu cyfleoedd i ehangu eu sgiliau a'u cyflawniadau, gan ategu eu hastudiaethau
ffurfiol.
Mae darparwyr yn hwyluso ymagwedd gydweithredol a chynhwysol sy'n galluogi myfyrwyr i gael profiad dysgu o ansawdd uchel ac i symud ymlaen trwy eu hastudiaethau. Mae pob myfyriwr yn cael cymorth i ddatblygu ac arddangos sgiliau a chymwyseddau academaidd
a phroffesiynol. Defnyddir amryw o ddulliau wrth asesu sy’n ymgorffori gwerthoedd uniondeb academaidd, gan gynhyrchu deilliannau sy’n gymaradwy ar draws y DU ac a gydnabyddir yn fyd-eang.
Arferion Allweddol
Caiff dysgu ac asesu ar bob lefel eu llywio gan ymchwil a/neu ysgolheictod. Mae addysgu, dysgu ac asesu yn alinio i sicrhau bod myfyrwyr yn gallu dangos yr hyn maen nhw wedi’i gyflawni, myfyrio ar eu dysgu, sgiliau a gwybodaeth flaenorol a’u
hatgyfnerthu, a gwireddu eu potensial.
Rhoddir gwybodaeth glir i fyfyrwyr am ddeilliannau dysgu modiwlau a/neu raglenni arfaethedig a phwrpas yr asesiad; cânt eu galluogi i ddefnyddio adborth i gynorthwyo â dysgu pellach.
Mae staff sy'n ymwneud â hwyluso dysgu a goruchwylio ymchwil yn meddu ar y cymwysterau priodol, a chânt bob cefnogaeth i wella eu harfer addysgu a goruchwylio. Cyflwynir graddau ymchwil mewn amgylcheddau cefnogol sy'n ffafriol i ddysgu
ac ymchwil.
Mae myfyrwyr yn cael eu galluogi a'u hannog i gymryd cyfrifoldeb am eu dysgu eu hunain ac i chwarae rhan weithredol wrth lunio a gwella'r broses ddysgu. Mae darparwyr yn cynnig cyngor ac arweiniad parhaus ynghylch uniondeb academaidd i sicrhau bod
myfyrwyr a staff yn deall yr hyn a ddisgwylir ganddynt.
Wrth i fyfyrwyr symud trwy eu taith ddysgu, cânt gyfle a chefnogaeth i bontio'n effeithiol rhwng lefelau academaidd, astudiaeth bellach a chyflogaeth. Mae darparwyr yn galluogi myfyrwyr i gydnabod y dilyniant y maent wedi'i wneud a'r camau y
mae angen iddynt eu cymryd i gyflawni eu potensial.
Mae darparwyr yn cynllunio asesiadau sy'n profi deilliannau dysgu priodol ac sy'n deg, yn ddibynadwy, yn hygyrch, yn ddilys ac yn gynhwysol. Lle bo'n berthnasol, ac yn gynaliadwy, cynigir opsiynau gwahanol i fyfyrwyr ar gyfer cynnal asesiadau i hyrwyddo
hygyrchedd a chynhwysiant.
Mae darparwyr yn sefydlu dulliau cydlynol o ymdrin â thechnolegau sy’n effeithio ar addysgu, dysgu ac asesu (fel Deallusrwydd Artiffisial Cynhyrchiol). Mae'r dulliau hyn yn cael eu cyfleu'n glir i staff a myfyrwyr, gan gynnwys sut y cânt
eu defnyddio, yn ogystal â diffinio camddefnydd o dechnolegau o'r fath.
Mae darparwyr yn cynnig cyngor ac arweiniad ar uniondeb academaidd i sicrhau bod myfyrwyr a staff yn deall yr hyn a ddisgwylir ganddynt trwy gydol y daith ddysgu. Cedwir y cynghorion hyn yn gyfredol.
Egwyddor 12 - Gweithredu prosesau ar gyfer pryderon, cwynion ac apeliadau
Mae darparwyr yn gweithredu prosesau ar gyfer cwynion ac apeliadau sy’n gadarn, yn deg, yn dryloyw ac yn hygyrch, ac wedi’u mynegi’n glir i staff a myfyrwyr. Caiff polisïau a phrosesau ar gyfer pryderon, cwynion ac apeliadau
eu hadolygu’n rheolaidd, a defnyddir y deilliannau i gynorthwyo â gwella’r ddarpariaeth a phrofiad y myfyriwr.
Arferion Allweddol
Mae polisïau a phrosesau ar gyfer ymwneud â phryderon, cwynion ac apeliadau yn hygyrch, yn gadarn ac yn gynhwysol; maent hefyd yn galluogi datrysiad cynnar lle bynnag y bo modd, ac maent yn cynnwys gwybodaeth yn ymwneud â recriwtio,
dethol a derbyn.
Mae polisïau a gweithdrefnau ar gyfer pryderon, cwynion ac apeliadau, gan gynnwys gwybodaeth amdanynt, yn glir ac yn dryloyw i fyfyrwyr, y rhai sy'n eu cynghori a'r rhai sy'n gweithredu'r prosesau. Mae camau ffurfiol ac anffurfiol y prosesau
wedi'u mynegi'n glir.
Mae darparwyr yn bodloni (lle bo'n berthnasol) gofynion cenedlaethol a rhyngwladol cyrff allanol sy'n gyfrifol am glywed neu oruchwylio pryderon a chwynion.
Mae camau gweithredu sy'n deillio o bryderon, cwynion ac apeliadau yn gymesur ac yn galluogi achosion i gael eu datrys cyn gynted â phosibl.
Mae prosesau ar gyfer ymwneud â phryderon, cwynion ac apeliadau’n cael eu monitro a'u hadolygu i sicrhau eu bod yn hyrwyddo gwelliant ar draws y darparydd ac yn gweithredu fel y bwriadwyd hwy, er budd myfyrwyr a staff.
Defnyddir canlyniadau pryderon, cwynion ac apeliadau i ddatblygu a gwella addysgu a dysgu, yn ogystal â phrofiad ehangach y myfyrwyr.
Bydd set o Gynghorion a Chanllawiau’n cyd-fynd â'r Côd Ansawdd. Bydd pob adran yn alinio ag un o'r 12 Egwyddor y Cytunwyd arnynt gan y Sector, ac fe'u cynlluniwyd i gynnig arweiniad ymarferol pellach sy'n dadansoddi ac yn ymhelaethu ar bob un o'r Egwyddorion a'u Harferion Allweddol.
Aelodau grŵp ysgrifennu
Mae darllenwyr ac ysgrifenwyr arbenigol wedi eu penodi erbyn hyn i ddatblygu'r gyfres gyntaf o ganllawiau Cyngor ac Arweiniad o fis Medi 2024 hyd fis Mehefin 2025. Mae manylion aelodau'r grŵp wedi eu rhestru isod.
Egwyddor 1: Mabwysiadu ymagwedd strategol at reoli ansawdd a safonau
Ysgrifenwyr – Enw a Sefydliad
Graham Achilli-O'Brien
Grŵp Coleg Dinas Leeds – Conservatoire Leeds
Katie Akerman
Prifysgol Chichester
Sam Booth-Malone
Prifysgol y Drindod Leeds
Stephen Bunbury
Prifysgol Westminster
Mark Charters
Ysgol Gelf Glasgow
Yr Athro John Craig
Prifysgol Kingston
Dr Roisin Curran
Prifysgol Ulster
Yr Athro Stephen Doughty
Prifysgol Bangor
Yr Athro Kelum Gamage
Prifysgol Glasgow
Dr Graham Garforth
Y Brifysgol Agored
Liz Grant
Prifysgol Swydd Bedford
Peter Greenall
Coleg Blackpool a’r Flyde
Rebecca Groves
Prifysgol Northumbria yn Newcastle
Yr Athro Richard Harrison
Prifysgol Caerefrog
Martin Jones
Y Brifysgol Agored
Dr Maggie King
Prifysgol Heriot-Watt
Yr Athro Chris Maguire
Prifysgol y Gyfraith
Stephen Scott
Prifysgol Gorllewin Llundain
Tess Winther
Prifysgol Dwyrain Llundain
Laura Witt
Istituto Marangoni
Egwyddor 1: Mabwysiadu ymagwedd strategol at reoli ansawdd a safonau
Darllenwyr – Enw a Sefydliad
Claire Barton
Coleg Nottingham
Yr Athro Brian Green
Prifysgol Strathclyde
Yr Athro Jenny Marie
Prifysgol Greenwich
Andrew McDowell
Prifysgol y Frenhines, Belffast
Rebecca Penny
Prifysgol Swydd Stafford
Nicola Poole
Prifysgol de Cymru
Egwyddor 2: Cynnwys myfyrwyr fel partneriaid
Ysgrifenwyr – Enw a Sefydliad
Faye Ap Geraint
Prifysgol Aberystwyth
Emily Bastable
Prifysgol Southampton
Megan Brown
sparqs (partneriaethau myfyrwyr mewn ansawdd yr Alban
Damien Corridan
Prifysgol y Frenhines, Belffast
Dr Casey Cross
Prifysgol Caerhirfryn
Rachel Garnham
Y Brifysgol Agored
Dr Lorraine Gibson
Prifysgol Strathclyde
Natacha Harding
Prifysgol Caerwynt
Jeremy Harvey
Prifysgol Stirling
Dr Annie Hughes
Prifysgol Kingston
Terri-Anne Jones
Prifysgol Bath Spa
Joe McGarry
UCM (DU)
Emily Parkin
Prifysgol Northumbria yn Newcastle
Dr Gayatri Patel
Prifysgol Aston
Olivia Rowland
Prifysgol Arden
David Smith
Prifysgol Westminster
Heather Wade
Prifysgol Huddersfield
Mary Watkins
Prifysgol Portsmouth
Yr Athro Graham Wynn
Prifysgol Northumbria yn Newcastle
Egwyddor 2: Cynnwys myfyrwyr fel partneriaid
Darllenwyr – Enw a Sefydliad
Yr Athro Catriona Bell
Prifysgol y Frenhines Margaret
Yr Athro Phil Cardew
Prifysgol Leeds Beckett
Chris Laity
Prifysgolion Cymru
Maureen McLaughlin
Prifysgol Aston
Yr Athro Stephen McVeigh
Prifysgol Abertawe
Derfel Owen
Ysgol Gwyddor Glanweithdra a Meddygaeth Drofannol Llundain
James Perkins
Yr Ysgol Frenhinol Ganolog er Lleferyd a Drama
Egwyddor 8: Gweithredu partneriaethau gyda sefydliadau eraill
Ysgrifenwyr – Enw a Sefydliad
Sheila Adamson
Prifysgol y Frenhines Margaret
Phil Berry
Coleg y Brenig Llundain
Claire Blanchard
Prifysgol Cymru Y Drindod Dewi Sant
Dr Georgiana Busoi
Prifysgol Portsmouth
Emma Connolly
Coleg Metropolitan Belffast
Dr Myfanwy Davies
Prifysgol Bangor
Dr Nick Dickson
CEG UFP Cyf
Diane Glautier
Prifysgol Dwyrain Llundain
Yr Athro Frank Haddleton
Prifysgol Swydd Hertford
Fran Haygarth
Prifysgol Canol Swydd Gaerhirfryn
Angela Jones
Prifygsol Dundee
Yr Athro Steve King
Prifysgol Caerefrog
Sasha King
Coleg Regent Llundain
Lorraine Lavery
Prifysgol y Frenhines, Belffast
Emma Lewis
Athrofa Model Newydd er Technoleg a Pheirianneg
Yr Athro Martin Lockett
Prifysgol Nottingham
Claire Nixon
Prifysgol Essex
Jason Smith
Prifysgol Huddersfield
Dr Marta Vizcaya Echano
Prifysgol Swydd Stafford
Egwyddor 8: Gweithredu partneriaethau gyda sefydliadau eraill
Mabwysiadu ymagwedd strategol at reoli ansawdd a safonau
Cynnwys myfyrwyr fel partneriaid
Darparu adnoddau ar gyfer profiad dysgu o ansawdd uchel
Defnyddio data i lywio a gwerthuso ansawdd
Monitro, gwerthuso a gwella'r ddarpariaeth
Ymwneud ag adolygu ac achredu allanol
Cynllunio, datblygu, cymeradwyo ac addasu rhaglenni
Gweithredu partneriaethau gyda sefydliadau eraill
Recriwtio, dethol a derbyn myfyrwyr
Cynorthwyo myfyrwyr i gyflawni eu potensial
Addysgu, dysgu ac asesu
Gweithredu prosesau ar gyfer pryderon, cwynion ac apeliadau
