Dyfarniad cadarnhaol i’r London Studio Centre ar ôl adolygiad QAA

Mae adolygiad o’r London Studio Centre gan yr Asiantaeth Sicrhau Ansawdd ar gyfer Addysg Uwch (QAA), corff ansawdd annibynnol y DU ar gyfer addysg uwch, wedi mynegi hyder bod ‘safonau academaidd yn ddibynadwy, eu bod yn bodloni gofynion y DU, ac yn rhesymol gymaradwy - y dyfarniad uchaf sydd ar gael drwy'r broses adolygu.

Mae’r London Studio Centre (LSC) yn gonservatoire arbenigol preifat a sefydlwyd ym 1978 ac sydd wedi'i lleoli yn yr artsdepot yng Ngogledd Finchley, Llundain. Ei chennad yw galluogi myfyrwyr i ddod yn berfformwyr, crewyr, cynhyrchwyr a rheolwyr addysg arloesol a medrus, sydd ar flaen y gad ym myd dawns broffesiynol a’r theatr gerddorol, trwy ddatblygu a chyflwyno rhaglenni arloesol. Ar hyn o bryd mae yna tua 350 o fyfyrwyr.

Cynhaliwyd yr adolygiad ar-lein gan dîm o dri adolygydd annibynnol, a benodwyd gan QAA, ac fe’i cynhaliwyd rhwng 25^ain a’r 26^ain Mai 2022. Mynegodd yr adolygiad hefyd ‘hyder bod ansawdd profiad academaidd myfyrwyr yn bodloni gofynion rheoleiddiol sylfaenol perthnasol’.

Mae'r adolygiad yn darparu Cyngor Cyllido Addysg Uwch Cymru (CCAUC) â barn arbenigol ynghylch parodrwydd y darparydd i ymuno â'r sector addysg uwch, neu barhau i weithredu ynddo.

Ni nododd y tîm adolygu unrhyw welliannau penodol neu feysydd i'w datblygu.