Neidio i'r prif gynnwys Datganiad Hygyrchedd
Hafan Aelodaeth Ymaelodi â QAA Aelodaeth yng Nghymru
Ymaelodi â QAA

Ymaelodwch â QAA er mwyn parhau i ddatgloi potensial llawn eich sefydliad. Gyda'n gilydd, gallwn siapio dyfodol y sector addysg uwch a'r sector addysg drydyddol.

 

Gall yr aelodau yng Nghymru fwynhau pecyn Aelodaeth QAA hollgynhwysol sydd, yn ddiofyn, yn cynnwys y gwasanaeth gwella 'International Insights', gweithgareddau sy'n benodol berthnasol i Gymru a mynediad i'n cynnig i'n haelodau ar draws y DU.

Yr hyn sy'n gynwysedig yn eich aelodaeth

Rhaglen digwyddiadau (gweithdai, gweminarau, cynadleddau)

 
""
Cyfle i arwain Prosiect Gwella Cydweithredol

 

 
""
Rhaglenni hyfforddiant ar gyfer datblygiad proffesiynol

 
""
Cyfle i gyfrannu at ddatblygu adnoddau newydd
""
Mynediad i'r wefan 'Adnoddau i'n Haelodau'

 
""
Rhwydweithiau ar-lein a diweddariadau polisi

 
""
Cyfle i gymryd rhan mewn grwpiau cynghori

 
""
Mewnwelediad i’r sector trwy ein cylchlythyr Aelodau

 
""

Dangos eich ymrwymiad i wella ansawdd

Gall aelodau QAA yng Nghymru arddangos ein Bathodyn Aelodaeth er mwyn dangos ymrwymiad eu sefydliad i wella ansawdd.

 




""

Ymaelodi â QAA

Aelodau cyfredol

 

Mae'r broses o adnewyddu eich aelodaeth yn syml. Ym mis Mai, byddwch yn derbyn neges e-bost sy'n cynnwys dolen at eich ffurflen adnewyddu – y cwbl y bydd angen i chi ei wneud yw clicio ar y ddolen i gyflwyno eich ffurflen gyflawn erbyn diwedd mis Gorffennaf. I gadarnhau eich adnewyddiad, rhaid i chi dalu'r anfoneb am eich aelodaeth o fewn 30 diwrnod i'w derbyn, neu terfynir eich aelodaeth.

Ymaelodi â QAA

 

Os ydych yn ystyried ymuno â ni, mae croeso i chi gysylltu â'n tîm a fydd yn hapus i glywed gennych a thrafod sut y gallwn helpu. Gallwch edrych a yw eich sefydliad yn Aelod o QAA yn barod yn ein cyfeiriadur o aelodau.

 

Cysylltwch â ni ynglŷn ag ymaelodi â QAA

 

 

Blwyddyn aelodaeth QAA yw'r cyfnod o 1 Awst hyd 31 Gorffennaf y flwyddyn ddilynol. Mae aelodaeth ar gael i ddarparwyr addysg uwch sy'n cyflawni'r meini prawf a ganlyn:

 

  • endid cyfreithiol sydd wedi ei gofrestru neu ei sefydlu yn y DU neu ar diriogaeth sy'n ddibynnol ar y Goron, ac sy'n darparu neu'n bwriadu darparu cymwysterau'r DU ar lefel 4 neu'n uwch y FHEQ neu ar lefel 7 neu'n uwch y SCQF
  • yn atebol i un o'r canlynol: adolygiad gan QAA; y trefniadau ansawdd neu'r trefniadau rheoleiddio sy'n berthnasol i addysg uwch yn un o wledydd y DU; goruchwyliaeth (er enghraifft, drwy bartneriaeth gydweithredol ffurfiol) ar ddarparwr sydd ei hun yn atebol i'r trefniadau ansawdd neu'r trefniadau rheoleiddio sy'n berthnasol i sefydliadau addysg uwch yn un o wledydd y DU; sy'n cymryd rhan mewn gwasanaeth cytundebol gyda gwasanaethau asesu QAA yn ystod y tair blynedd diwethaf.

Mae rhagor o wybodaeth ynglŷn â chymhwysedd i fod yn aelod i'w chael yn ein dogfen 'Cytundeb Aelodaeth'.

 


Dyrchafu eich aelodaeth

 

Yn rhan o'r aelodaeth yng Nghymru, mae'r pecyn gwella International Insights yn darparu adnoddau a digwyddiadau sydd wedi eu teilwra i bartneriaethau rhyngwladol a chefnogaeth i fyfyrwyr. Mae'r gymuned 'International Insights' yn cynnwys mwy na 120 o sefydliadau sy'n aelodau o QAA, sy'n cysylltu â'i gilydd, siapio blaenoriaethau a manteisio ar arbenigedd a rhwydwaith byd-eang QAA.


 

Mae 'International Insights' yn cefnogi aelodau QAA yn eu gwaith rhyngwladol trwy weithgareddau ac adnoddau i staff sy'n cymryd rhan mewn:

  • datblygu, rheoli a monitro partneriaethau rhyngwladol a threfniadau addysg drawswladol
  • darparu rhaglenni rhyngwladol
  • cefnogi myfyrwyr rhyngwladol
  • goruchwylio prosesau o sicrhau a gwella ansawdd gweithgareddau rhyngwladol
  • recriwtio myfyrwyr rhyngwladol.

Mae'r rhaglen yn darparu gwerth sylweddol drwy:

 

Wella partneriaethau rhyngwladol

 

Cynnig arweiniad ar reoli a datblygu cydweithrediadau rhyngwladol, gan sicrhau partneriaethau strategol a chynaliadwy.

 

Gefnogi myfyrwyr rhyngwladol yn y DU

 

Canolbwyntio ar wella agweddau penodol o daith astudio'r myfyriwr rhyngwladol, megis y cyfnodau cyn cyrraedd, cynefino, pontio ac integreiddio, sgiliau a chymorth academaidd, a gyrfaoedd a chyflogadwyedd.

 

Arddangos yr arferion gorau

 

Rhannu esiamplau o arferion effeithiol mewn meysydd megis strategaeth, trefniadau partneriaeth, gwaith ymchwil a chytundebau cyfnewid.

 

Darparu dealltwriaeth fanwl

 

Darparu adroddiadau manwl a gweminarau am dair gwlad y flwyddyn, gan ganolbwyntio ar y tirlun addysg uwch, materion sicrhau ansawdd ac addysg drawswladol.

 

Hwyluso rhwydweithiau proffesiynol

 

Cynnig cyfleoedd i staff rannu eu sgiliau a'u gwybodaeth, a thrafod y datblygiadau diweddaraf mewn partneriaethau rhyngwladol, polisïau ac arferion.


Mae fy mhrofiad o weithio gyda QAA wedi bod yn eithriadol bositif. Mae fy aelodaeth wedi golygu bod amrywiaeth o adnoddau o safon uchel ar gael i mi, a gallaf fynychu digwyddiadau am ddim. Mae hyn wedi caniatáu i mi gysylltu â rhwydwaith o addysgwyr blaengar ym maes addysg uwch. Mae QAA yn deall y tirlun addysg uwch yn y DU yn glir, ac mae'n meithrin amgylchedd cydweithredol a chynhwysol sy'n croesawu amrywiaeth o safbwyntiau.

Dr Katherine Chapman, Cyfarwyddwr Rhaglen, Prifysgol Abertawe


""