Mae gennym weithdrefn gyhoeddedig sy'n nodi canllawiau i sicrhau bod canmoliaeth, sylwadau a chwynion a dderbynnir gan QAA yn cael eu trin gyda chwrteisi, parch a thegwch.

Byddwn mewn sefyllfa well i ymateb i'ch cwyn os byddwch yn ei gwneud yn brydlon, gan gyflwyno tystiolaeth ategol ochr yn ochr â hi. Nodwch y maes, ynghyd â dyddiad ac amser y digwyddiad y mae eich cwyn yn ymwneud ag o, a rhowch dystiolaeth ategol ac unrhyw wybodaeth berthnasol am gyfathrebiadau a gafwyd rhyngoch chi â ni yn ymwneud â'r mater.

Byddwn yn:

• gweithredu ein Gweithdrefn ar gyfer ymdrin â Chanmoliaeth, Sylwadau a Chwynion mewn ffordd agored, eglur ac atebol
• ymdrin â'ch cwyn gyda chwrteisi, parch a thegwch
• cyfleu'r rhesymau dros y canlyniad
• defnyddio unrhyw wybodaeth a phrofiad a geir yn sgil cwynion i wella'r ffordd yr ydym yn gweithredu.

Ein hegwyddor wrth wneud ein gwaith yng Nghymru yw y byddwn yn trin y Gymraeg a'r Saesneg yn gyfartal ac yn bodloni'r Hysbysiad Cydymffurfio a roddwyd i ni mewn perthynas â Mesur y Gymraeg (Cymru) 2011. Felly, byddwn yn ymdrin ag unrhyw gwynion a dderbyniwn am y ffordd yr ydym yn cydymffurfio â Safonau'r Gymraeg yn y meysydd cyflenwi gwasanaethau, gweithredu a llunio polisi yr ydym wedi ein hymrwymo iddynt, fel y maent wedi eu nodi yn y weithdrefn hon, p'un a ydym wedi derbyn y gŵyn yn y Gymraeg neu'r Saesneg, a byddwn yn ateb yn yr iaith y cyflwynwyd y gŵyn ynddi, oni bai bod yr achwynydd yn nodi y byddai'n hoffi derbyn ateb yn yr iaith arall.

Mae'r wybodaeth gyflawn yn ein gweithdrefn isod.

Mae gan QAA hefyd gynllun cyhoeddi gwybodaeth a gweithdrefn ar gyfer ceisiadau gwrthrych am wybodaeth, sydd ar gael ar ein tudalen we am ein polisïau.