Cwestiynau ac atebion

Sut mae QAA yn arloesi wrth helpu sefydliadau i ddangos tystiolaeth ansawdd eu darpariaeth?

Rydym yn gweithredu mewn amgylchedd deinamig lle mae polisi wedi esblygu’n gyflym a lle mae datblygiadau technolegol mewn deallusrwydd artiffisial a thechnoleg addysgol, ynghyd â dysgu ar-lein a dysgu cyfunol yn cynnig cyfleoedd newydd, tra hefyd yn cyflwyno heriau newydd cymhleth.

Bydd QAA yn cynorthwyo sefydliadau i ddangos darpariaeth o ansawdd uchel yn effeithiol, i randdeiliaid allanol ac yn fewnol. Mae hyn yn cynnwys:

• Helpu prifysgolion a cholegau i addasu arferion addysgeg ac asesu mewn ymateb i ddatblygiadau newydd.
• Datblygu fframweithiau hunanwerthuso a dangosyddion ar gyfer cryfderau ac sy’n nodi dangosyddion her cyn iddynt ddod i›r amlwg mewn data cyhoeddus.
• Gweithredu penderfyniadau ar sail tystiolaeth, gan ddefnyddio data meintiol ac ansoddol.
• Sicrhau bod darparwyr yn gallu adnabod a chyfleu ansawdd eu haddysgu, dysgu ac asesu a dangos ei fudd i fyfyrwyr a dysgwyr.

Sut mae QAA yn helpu enw da sefydliadau yn y DUac yn rhyngwladol??

Mae enw da rhyngwladol addysg uwch y DU yn hollbwysig i brifysgolion. Mae QAA yn ganolog i gynnal a gwella›r enw da hwnnw, drwy wneud y canlynol:  

• Cynrychioli sector y DU yn rhyngwladol mewn ffordd unigryw, gan gynghori’n aml ar lefel system. Mae›r gwaith hwn yn ategu gwaith y sefydliadau yr ydym yn partneru â hwy, megis y Cyngor Prydeinig, yn ogystal â gweithgareddau rhyngwladol cyrff eraill yn y sector addysg uwch yn y DU. Mae'n adlewyrchu enw da sector y DU ac yn helpu i'w hyrwyddo ymhellach.
• Cynnig gwasanaethau aelodaeth sy'n galluogi dealltwriaeth o ansawdd a safonau ar draws y DU ac yn rhyngwladol. Mae hyn yn hwyluso partneriaethau, cydnabyddiaeth a symudedd myfyrwyr a dysgwyr, graddedigion a staff.
• Adeiladu cymunedau ymarfer mewn sicrwydd a gwelliant ymhlith ein haelodau yn y DU ac yn rhyngwladol. Mae hyn yn cryfhau enw da’r sector ac yn helpu i hyrwyddo datblygiadau amlochrog a dwyochrog mewn ansawdd a safonau.

Sut bydd QAA yn sicrhau gwerth i’w aelodau?

Rydym yn cynllunio ein gwasanaethau a'n gweithgareddau i ddarparu›r gwerth mwyaf posibl. Byddwn yn cynnig:  

• Gwasanaethau asesu sy'n cynorthwyo â chydymffurfiaeth â gofynion rheoliadol neu safonau rhyngwladol, ac i rai, osgoi cost ar ffurf cosbau rheoleiddiol.
• Gwybodaeth ac arweiniad sy'n mynd i'r afael â materion byw mewn ffordd ymarferol, gan leihau’r posibilrwydd o ddyblygu gwaith.
• Cefnogaeth i'n haelodau i ddatblygu prosesau ansawdd perthnasol ac effeithlon sy'n rhyddhau capasiti.

Lawrlwythwch y wybodaeth hon